Klima

Bilboko berezko klima ozeaniko hezea da. Ozeanoak erregulatzeko duen gaitasunari eta mendebaldeko haizearen nagusitasunari esker, tenperaturak epelak dira urte osoan. Horrela, neguan, 7ºC inguru daude Bilbon; udan, berriz, batez besteko tenperatura 25ºC-koa da. Uztaila da hilabete berotsuena, 26ºC-ko batez besteko tenperaturarekin; urtarrila eta otsaila urteko hotzenak dira, 6ºC-ko batez besteko tenperaturarekin. Hala ere, bi urte-sasoietan tenperaturak epelak dira.

Bilbotarrak euria egitera ohituta daude; izan ere, urteko egunen %45ean euria egiten du. Hain zuzen ere, zirimiri esaten diegun euro oso ohiko horiek berezkoak ditu Bilbok. Udaberria eta udazkena dira euritakoa gehien erabiltzen den urte-sasoiak, eta azaroan egiten du euri gehien. Paradoxikoki, datuak daudenetik, Bilboren historian euri gehien egin zuen eguna 1983ko abuztuaren 23a izan zen: 252,6 l/m2.